இதை நீங்கள்
வது நபராக வாசிக்கிறீர்கள்
காவல் இல்லாத தோட்டங்களை
சுதந்திரமாக மேய்கின்றன
கட்டாக்காலிகள்
கொண்டாட்டமும், களிப்புமாய்
அவைகள்
காணிக்காரனின் சுதந்திரமோ
கம்பிகளுக்குப் பின்னால்
கிழக்குச் சமவெளிகள்
திகட்டிவிட்டதால்
வடக்கில் வாய் நீள்கிறது
கடைவாயூறும்
கட்டாக்காலிகளைக்
கட்டி வைக்கவோ
கல்லால் அடிக்கவோ விடாமல்
காவல் காக்கிறது இறையான்மை
ஊரான் தோட்டத்தில்
மேயும் கட்டாக்காலிகள்
காணிப் பகிர்வையும்
காவல்காரனையும்
விரும்புவதில்லை
தெற்கிலும்
தென்கிழக்கிலும்
கட்டாக்காலிகள்
கால் வைப்பதில்லை
வாலை நீட்டினால் கூட
வேட்டையாடி விடுகின்றன
சிங்கங்கள்
2 கருத்துகள்:
ஊரான் தோட்டத்தில்
மேயும் கட்டாக்காலிகள்
காணிப் பகிர்வையும்
காவல்காரனையும் விரும்புவதில்லை//
அமுதன், அருமையான கவிதை. அர்த்தம் பொதிந்த வரிகள். ஒவ்வொரு வரிகளிலும் நாட்டின் யதார்த்தம் அழகாய் தெரிகிறது. வீரியம் நிறைந்த கவிதையும் கூட. வாழ்த்துக்கள்.
வேதனையான கவிதை.
கருத்துரையிடுக